Azərbaycanın badminton üzrə 15 yaşadək gənclərdən ibarət milli yığma komandası (U-15) Şimalı Kipr Türk Respublikasında keçirilən beynəlxalq turnirdə ikinci yerə layiq görülüb.
Sportnet.az-ın məlumatına görə, Girne şəhərindəki "XVI Dr. Fazil küçük idman oyunları”nda yığmamız 5 görüşdə qüvvəsini sınayıb. Gürcüstan (3:2), Makedoniya (4:1), Şimalı Kiprin birinci (5:0) və ikinci (5:0) komandaları üzərində qələbə qazanan komandamız yalnız Türkiyə komandasına 0:5 hesabı ilə məğlub olub.
Qeyd edək ki, Azərbaycanı gənclərdən ibarət yığma komandanın məşqçisi Ceyhun Əlizadənin rəhbərliyi altında 6 idmançı - Nigar Əliyeva, Nazənin Əvesta, Negin Əvesta, Adəm Əliyev, Asiman Məsiyev və Vaqif Səfərzadə təmsil edib.
