Bu gün Qol.Az saytının fəaliyyətə başlamasından altı il ötür. Sportnet.az-ın məlumatına görə, 2008-ci il noyabrın 17-də idman-xəbər saytı olaraq oxucularla görüşə gələn Qol.Az qısa müddətdə Azərbaycanın idman mətbuatında böyük populyarlıq qazanıb.
Qol.Az bu altı il ərzində Azərbaycanın ən çox oxunan idman portallarından birinə çevrilib. Həmçinin Qol.Az ötən il Mətbuat Şurasının üzvlüyünə qəbul edilib. Portal Azərbaycan və dünya idmanı, xüsusilə də futbol haqda son xəbərlər yayımlamaqdadır.
Artıq altı ildir görüşünüzə gələn Qol.Az ən çox oxunan saytlar arasında ilk pillədə yerini möhkəmlədə bilib. Gün ərzində on minlərlə oxucu xəbər əldə etmək üçün məhz Qol.Az-ı seçir.
"5 Media" şirkətinə məxsus olan Qol.Az brendi tezliklə yeni layihələri ilə izləyicilərini sevindirəcək.
Sportnet.az olaraq, Qol.Az-ın rəhbərliyi və kollektivini təbrik edir, uzun ömür, daha böyük yaradıcılıq uğurları arzulayırıq.
Sportnet.az olaraq, Qol.Az-ın rəhbərliyi və kollektivini təbrik edir, uzun ömür, daha böyük yaradıcılıq uğurları arzulayırıq.
