Bu gün Sport24.az-ın yaranma günüdür.
4 il öncə - 2017-ci ilin 9 mart tarixində saytın ilk xəbəri işıq üzü görüb. Yaranan gündən oxucular üçün fərqli dəst-xətt ortaya qoymağa, müxtəlif rubrikalarla gündəlik cari işləri rəngarəng etməyə çalışan Sport24.az qısa müddətdə oxucuların rəğbətini qazanmağa müvəffəq olub.
Çempionat oyunlarını müntəzəm stadiondan işıqlandıran saytın əməkdaşları 1 il 4 ay öncə rusdilli sayt olan Football24.az-ı ərsəyə gətiriblər. 4 il ərzində özünəməxsus nailiyyətlərə imza atan həmkarlarımızın bu inkişaf yolunda daim irəliləmələrini diləyirik.
Sportnet.az Sport24.az saytındakı həmkarlarını təbrik edir, onlara gələcək fəaliyyətlərində daha böyük uğurlar arzulayır!
