İranın paytaxtı Tehranda yunan-Roma güləşi üzrə böyüklər arasında Dünya Kuboku başa çatıb. Sportnet.az-ın məlumatına görə, yarışda iştirak edən Azərbaycan yunan-Roma güləşi üzrə yığma komandası güləş tariximizdə yeni səhifə yazıb.
Güləşçilərimiz Dünya Kuboku yarışlarında ilk dəfə bürünc medala sahib olublar. Pəhləvanlarımız Cənubi Koreya, Ermənistan, İran və Finlandiya ilə eyni qrupda mübarizə aparıb. Komandamız ilk görüşdə yerli İran güləşçilərinə məğlub olsa da, daha sonra ardıcıl olaraq Ermənistan (8:0), Koreya (5:3) və Finlandiya (5:3) yığmasını məğlub edib. Nəticədə yığmamız qrupda 2-ci yerdə qərarlaşıb və bürünc medal şansı əldə edib. Həlledici qarşılaşmada Macarıstan güləşçilərini 6:2 üstələyən yığmamız yarışları 3-cü sırada tamamlayaraq, Dünya Kubokunun bürünc medalına sahib olub.
Güləşçilərimiz Dünya Kuboku yarışlarında ilk dəfə bürünc medala sahib olublar. Pəhləvanlarımız Cənubi Koreya, Ermənistan, İran və Finlandiya ilə eyni qrupda mübarizə aparıb. Komandamız ilk görüşdə yerli İran güləşçilərinə məğlub olsa da, daha sonra ardıcıl olaraq Ermənistan (8:0), Koreya (5:3) və Finlandiya (5:3) yığmasını məğlub edib. Nəticədə yığmamız qrupda 2-ci yerdə qərarlaşıb və bürünc medal şansı əldə edib. Həlledici qarşılaşmada Macarıstan güləşçilərini 6:2 üstələyən yığmamız yarışları 3-cü sırada tamamlayaraq, Dünya Kubokunun bürünc medalına sahib olub.
Qeyd edək ki, bu, yunan-Roma güləşi üzrə Dünya Kuboku yarışlarında yığmamızın indiyə qədərki ən uğurlu nəticəsidir. Bunadək güləşçilərimiz 2011-ci ildə Belarusun paytaxtı Minskdə və 2012-ci ildə Rusiyanın Saransk şəhərində keçirilmiş analoji yarışda 4-cü yerlə kifayətləniblər.
