Azərbaycanlı K-1 döyüşçüsü Zabit Səmədovla görüş keçiriləcək. Sportnet.az-ın məlumatına görə, ölkəsini dünyada layiqincə təmsil edən idmançı sentyabrın 8-də sevənləri ilə bir araya gələcək.
Park Bulvarda baş tutacaq görüş saat 17:00-dan başlayacaq. İlk yarım saat ərzində media nümayəndələrinin suallarını cavablandıracaq Z.Səmədov bundan sonra pərəstişkarları ilə görüşəcək.
Dünya çempionu bir neçə gün əvvəl ölkə Prezidenti İlham Əliyevlə görüşüb. Dövlət başçısı Z.Səmədovu Çeçenistanda keçirilmiş turnirdə qazanılan qələbə münasibətilə idmançını təbrik edib.
Qeyd edək ki, Z.Səmədov Qroznı şəhərində Çeçenistan Muxtar Respublikasının ilk prezidenti Əhməd-Hacı Kadırovun xatirəsinə həsr olunmuş peşəkar kikboksinq turnirində "WBC Muaythai" versiyası üzrə dünya çempionu titulu uğrunda rumıniyalı döyüşçü Katalin Moroşanu ilə qarşılaşıb. Qələbə qazanan azərbaycanlı idmançı titulu qazanıb.
