Cüdo üzrə Azərbaycan milli komandası Qazaxıstanda təlim-məşq toplanışını davam etdirir.
Federasiyanın mətbuat xidmətindən Sportnet.az-a verilən məlumata görə, cüdoçularımız baş məşqçi Fərhad Məmmədovun rəhbərliyi altında gündə 2 dəfə məşq edərək gələcək beynəlxalq yarışlara hazırlaşırlar.
Millimizin qarşısına gələn ay Polşada baş tutacaq Avropa çempionatı və mayda Bakıda keçiriləcək İslam Həmrəyliyi Oyunlarında medallar qazanmaq vəzifəsi qoyulub. Qazaxıstandakı hazırlıqlarda aparıcı cüdoçular Orxan Səfərov, Nicat Şıxəlizadə, Rüstəm Orucov, Elmar Qasımov, Elxan Məmmədov, Hidayət Heydərov və digərləri iştirak edirlər.
