Almaniyanın Dortmund şəhərində güləş üzrə gənclər arasında Avropa çempionatı start götürüb.
Sportnet.az-ın məlumatına görə, ilk yarış günündə 50 kq, 60 kq, 74 kq və 96 kq çəki dərəcəsində sərbəst güləşçilər arasında qaliblər müəyyənləşir.
50 kq çəkidə mübarizə aparan Şahin Muxtarov ardıcıl olaraq Fransa və Almaniyadan olan rəqiblərini məğlub edərək finala yüksəlib. Həlledici görüşdə onun rəqibi rusiyalı Muxammadxon Muxammadxon olacaq.
60 kq-da yarışan Əli Rəhimzadə ilk görüşdə Ermənistan, ardınca Rusiya idmançısı ilə gərgin keçən görüşlərdən qalib ayrılıb. Yarımfinalda Moldovadan olan rəqibini də üstələyən Rəhimzadə finala yüksəlib. Həlledici görüşdə o, ukraynalı Andrey Yatsenko ilə qarşılaşacaq.
96 kq-da Məhəmmədrəsul Qazıməhəmmədov isə Türkiyə təmsilçisi ilə bürünc medal uğrunda görüşə çıxacaq.
Final görüşləri Bakı vaxtı ilə saat 20:30-da başlayacaq.
50 kq
1/4 final - Şahin Muxtarov - Valentin Damour (FRA) 11:0
1/2 final - Horst Lehr (GER) - Şahin Muxtarov 6:7
FİNAL - Şahin Muxtarov - Mukhammadkhon Mukhammadkhon (RUS)
60 kq
1/8 final - Vardges Karapetyan (ARM) - Əli Rəhimzadə 6:6*
1/4 final - Abdulla Axmedov (RUS) - Əli Rəhimzadə 7:7*
1/2 final - Vitalie Bunici (MDA) - Əli Rəhimzadə 4:16
FİNAL - Əli Rəhimzadə - Andriy Yatsenko (UKR)
74 kq
1/8 final - Rustam Magomedov (RUS) - Abubakr Abakarov 3:2
Təsəlliverici görüş - Abubakr Abakarov - Akhsarbek Gulaev (SVK) 1:3
96 kq
1/8 final - Patrik Szurovski (HUN) - Məhəmmədrəsul Qazıməhəmmədov 0:7
1/4 final - Məhəmmədrəsul Qazıməhəmmədov - Givi Matçaraşvili (GEO) 7:15
Təsəlliverici görüş - Dimitrios Akritidis (GRE) - Məhəmmədrəsul Qazıməhəmmədov 0:10
Bürünc medal görüşü - Məhəmmədrəsul Qazıməhəmmədov - İbrahim Çiftçi (TUR)
