Rusiyanın Yakutsk şəhərində Dmitri Korkinin xatirəsinə keçirilmiş sərbəst güləş üzrə beynəlxalq turnir Azərbaycan yığması 5 medal qazanıb.
Sportnet.az federasiyanın rəsmi saytına istinadən xəbər verir ki, son yarış günündə daha iki güləşçi fəxri kürsüyə qalxıb. Əhmədnəbi Qvarzatilov (61 kq) finalda Monqolustan təmsilçisinə 8:4 heabıyla qalib gələrək, qızıl medala sahib olub. İbrahim Yusubov (79 kq) isə Türkiyədən olan rəqibini 12:8 hesabı ilə məğlub edərək bürünc medal əldə edib.
Qeyd edək ki, ilk yarış günündə Nurməhəmməd Hacıyev (97 kq) qızıl, Pərviz İbrahimov (57 kq) gümüş, Hacımurad Ömərov (74 kq) isə bürünc medala yiyələnib.
