Azərbaycan Cüdo Federasiyasının (ACF) sabiq vitse-prezidenti Elnur Kələntərov yeni vəzifəyə təyin olunub. Sportnet.az-ın məlumatına görə, Kələntərov 2015-ci il Avropa Oyunlarında cüdo yarışlarının rəhbəri təyin edilib.
İlk dəfə Bakıda keçiriləcək tarixi əhəmiyyətli belə bir tədbirin təşkilində iştirak etməyin böyük şərəf olduğunu bildirirən sabiq federasiya rəsmisi Milli Olimpiya Komitəsi tərəfindən ona göstərilən etimadı doğrultmağa çalışacağını deyib.
Qeyd edək ki, son 10 ildə ACF-də mətbuat xidməti rəhbərliyindən vitse prezident vəzifəsinədək yüksələn E.Kələntərov ötən ay federasiyadakı postundan istefa verib. I Avropa Oyunlarında 49 ölkənin 6000-dən çox idmançısının iştirakı gözlənilir.
