Türkiyənin "Beşiktaş" klubu baş məşqçi Ule Qunnar Sulşerlə yollarını ayırıb.
Sportnet.az-ın məlumatına görə, bu barədə qərar UEFA Konfrans Liqasında İsveçrə "Lozanna"sı ilə pley-off mərhələsinin cavab görüşündən sonra klub rəhbərliyinin iclasında qəbul olunub.
Norveçli mütəxəssislə müqaviləyə qarşılıqlı razılıq əsasında xitam verilib.
Qeyd edək ki, "Beşiktaş" "Lozanna" ilə səfər matçında 1:1 hesablı heç-heçə etsə də, öz meydanındakı cavab görüşündə uduzub - 0:1. Bununla da "qara qartallar" avrokuboklarda mübarizəni dayandırıb.
