Azərbaycan Premyer Liqasında VII turun son oyunları keçirilib.
Sportnet.az-ın məlumatına görə, günün ilk görüşü Şamaxı şəhər stadionunda "Karvan-Yevlax" və "İmişli" komandaları arasında olub.
Baş hakim Tural Qurbanovun idarə etdiyi qarşılaşma qonaqların qələbəsi ilə yekunlaşıb - 2:0.
Hesabı 31-ci dəqiqədə penaltidən Coy-Lens Mikels açıb. O, aktivindəki qol sayını 4-ə çatdıraraq, bombardirlər siyahısında vahid liderə çevrilib. 37-ci dəqiqədə isə Kahim Parris uzaq məsafədən iti bucaq altından gözəl qolla yekun nəticəni müəyyənləşdirib.
Uzatma dəqiqələrində isə Mikels ağr zədə alaraq, təcili yardım maşını ilə xəstəxanaya aparılıb.
Günün son qarşılaşmasında isə Qəbələ şəhər stadionunda eyniadlı komanda ilə "Şamaxı" üz-üzə gəlib. Bu oyun da qonaqların qələbəsi ilə yekunlaşıb. 8-ci dəqiqədə Rikardo Apolinario penaltini dəqiq yerinə yetirib.
Beləliklə, bu nəticələrdən sonra "Sabah" 6 oyundan 11 xalla 5-ci, "Şamaxı" 7 matçdan 9 xalla 7-ci pilləyə yüksəlib. Əvəzində "Karvan-Yevlax" 5 xalla 10-cu, "Qəbələ" 4 xalla 11-cidir.
Qeyd edək ki, turun əvvəlki qarşılaşmalarında "Araz-Naxçıvan" evdə "İmişli"ni 2:0, "Qarabağ" "Kəpəz"i 1:0, "Turan Tovuz" isə səfərdə "Sumqayıt"ı 3:0 hesablı məğlubiyyətə uğradıb. Yalnız "Zirə" - "Neftçi" matçında qalib müəyyənləşməyib - 2:2.
Azərbaycan Premyer Liqası, VII tur
5 oktyabr (bazar)
15:00. “Karvan-Yevlax” – “Sabah” 0:2
Qollar: Coy Lens Mikels, 31 (pen.). Kahim Parris, 37
Hakimlər: Tural Qurbanov, Asiman Əzizli, Eyyub İbrahimov, İslam Məmmədov
VAR: İnqilab Məmmədov
AVAR: Namiq Hüseynov
Hakim-inspektor: Ömər Paşayev
AFFA nümayəndəsi: Namiq Əliyev
Şamaxı şəhər stadionu
17:30. “Qəbələ” – “Şamaxı” - 0:1
Qol: Rikardo Apolinario, 8 (pen.)
Hakimlər: Elçin Məsiyev, Elşad Abdullayev, Pərvin Talıbov, Kamranbəy Rəhimov
VAR: Əliyar Ağayev
AVAR: Zeynal Zeynalov
Hakim-inspektor: Vüsal Əliyev
AFFA nümayəndəsi: Anar Şıxəliyev
Qəbələ şəhər stadionu
-------------------------
Bu gün Azərbaycan Premyer Liqasında VII turun son oyunları keçiriləcək.
Sportnet.az-ın məlumatına görə, qarşılaşmaların hər ikisi bölgələrdə təşkil olunacaq.
Şamaxı şəhər stadionunda "Karvan-Yevlax" "Sabah"ı qəbul edəcək. Hazırda yevlaxlılar 6 matçdan 5 xalla 10-cu, masazırlılar 5 görüşdən 8 xalla 6-cı pillədə qərarlaşıblar. İki komanda indiyədək üz-üzə gəlməyib.
Turun son oyunu isə Qəbələ şəhər stadionunda eyniadlı komanda ilə "Şamaxı" arasında olacaq. "Qəbələ" 6 turdan sonra 4 xalla 11-ci yerdə gedir. Əvəzində "Şamaxı" 6 xalla 9-cudur. Bu, iki komandanın çempionatda 60-cı görüşü olacaq. Qarşılaşmalarda qələbə sayı bərabərdirsə (hərəyə 19), heç-heçələr 21-dir. Topların nisbətində isə "Şamaxı" öndədir - 74:64. Şəxsi görüşlərdə “Şamaxı” son 8 oyunda qələbə qazanmayıb. “Qəbələ” axırıncı 2 ev matçında 2 top fərqi ilə qalib gəlib.
Qeyd edək ki, turun əvvəlki görüşlərində "Araz-Naxçıvan" evdə "İmişli"ni 2:0, "Qarabağ" "Kəpəz"i 1:0, "Turan Tovuz" isə səfərdə "Sumqayıt"ı 3:0 hesablı məğlubiyyətə uğradıb. Yalnız "Zirə" - "Neftçi" matçında qalib müəyyənləşməyib - 2:2.
