Yunanıstanın "Veriya" klubunun qapıçısı Stelios Markusis dünyasını dəyişib. Sportnet.az-ın məlumatına görə, hadisə məşq zamanı baş verib.
18 yaşlı qolkiper huşunu itirərək yerə sərilib. Gənc əlcək sahibi xəstəxanaya çatdırılsa da, onun həyatını xilas etmək mümkün olmayıb. Həkimlərin diaqnozuna görə, S.Markusis ürək tutmasından ölüb.
Qeyd edək ki, Stelios Markusis Yunanıstan Super Liqasında iştirak edən "Veriya"nın əvəzedici heyətində forma geyinib. Markusis bu yaxınlarda əsas heyətə dəvət olunub.
