Avropa Liqasının qrup mərhələsinin I turunun oyununda "Qəbələ" Yunanıstanın PAOK komandasını qəbul edəcək. Sportnet.az-ın məlumatına görə, oyunöncəsi mətbuat konfransına ilk olaraq meydan sahiblərinin baş məşqçisi Roman Qriqorçuk gələcək.
Qriqorçuk saat 19:15-də jurnalistlərin suallarını cavablandıracaq. PAOK-un baş məşqçisi İqor Tudor isə saat 20:00-da media nümayəndələri ilə görüşəcək.
Hər iki komandanın oyunöncəsi son məşqi də "Bakcell Arena"da keçiriləcək. "Qəbələ" saat 20:30-da, Yunanıstan təmsilçisi isə 21:30-da baş tutacaq məşqlə qarşılaşmanın hazırlıqlarını tamamlayacaq.
Qeyd edək ki, sentyabrın 17-də keçiriləcək "Qəbələ" - PAOK matçı saat 22:00-da start götürəcək.
