Türkiyənin Antalya bölgəsində təlim-məşq toplanışını davam etdirən "Sumqayıt" bu gün 2 məşqdən birini başa vurub. Sportnet.az-ın məlumatına görə, səhər saat 11:00-da start götürən hazırlıq prosesində komanda taktiki gedişlər üzərində çalışıb.
Ardından komanda 3 qrupa bölünərək tenisbol oyunu ilə məşqi tamamlayıb. Yeni transfer Eltun Yaqublu zədələndiyi üçün komandadan ayrı çalışıb. Samir Abasovun rəhbərlik etdiyi komanda axşam saat 17:00-da ikinci məşqinə çıxacaq.
Qeyd edək ki, "Sumqayıt" sabah növbəti yoxlama oyununu keçirəcək. "Sumqayıt" FK Rumıniya klubu "Voluntari" ilə üz-üzə gələcək. Oyun Bakı vaxtı ilə saat 19:00-da start götürəcək.
