Türkiyənin "Qalatasaray" klubu Super Liqanın XXVIII turunda "Rizespor"la matça tam heyətlə çıxa bilməyəcək. Sportnet.az-ın məlumatına görə, İstanbul təmsilçisinin 4 futbolçusu oyunu tirbunadan izləməli olacaq.
Kapitan Selçuk İnan, Uesli Sneyder, Sabri Sarıoğlu və Sinan Gümüş zədə səbəbindən bu matçı buraxmalı olacaqlar. Sarı vərəqə cəzalısı olduğundan "Eskişehirspor"la oyunda meydana çıxmayan Olcan Adın isə bu tur oynaya biləcək.
Qeyd edək ki, aprelin 9-da keçiriləcək "Qalatasaray" - "Rizespor" matçı Bakı vaxtı ilə saat 19:00-da başlayacaq.
