Topaz Premyer Liqasının son turundakı oyundan sonra istirahətə yollanan "İnter” klubunun növbəti mövsüm üçün hazırlıq planı məlum olub. Sportnet.az-ın klubun saytına istinadən məlumatına görə, "bankirlər” iyunun 1-də Türkiyədə birinci təlim-məşq toplanışını keçirəcək.
Kartepedə baş tutacaq toplanışda komanda "Green Park” otelində məskunlaşacaq. Türkiyə hazırlığı iyunun 10-dək davam edəcək. İyunun 13-də isə Avstriyada ikinci toplanış başlanacaq. Bu toplanış iyunun 27-də yekunlaşacaq. Lakin Avropa Liqasının I təsnifat matçı səfərdə keçirilərsə, o zaman toplanış iyulun 1-dək davam edəcək.
Qeyd edək ki, Avstriya toplanışı çərçivəsində "İnter” 5 yoxlama matçı keçirəcək. Oyunların vaxtı və rəqiblərin adları yazın günlərdə məlum olacaq.
