Türkiyənin "Fənərbağça" klubunun prezidenti yeni mövsümdə ulduz baş məşqçi ilə çıxış etmək niyyətindədir. Sportnet.az-ın məlumatına görə, klub prezidenti Aziz Yıldırım Joze Mourinyo ilə yola davam etmək istəyir.
Bu səbəbdən İstanbul təmsilçisinin portuqaliyalı üçün illik 15 milyon büdcə ayırdığı bildirilir. Yerli mətbuat A.Yıldırımın 53 yaşlı baş məşqçinin menecerindən görüş istədiyini yazıb.
Qeyd edək ki, "Benfika", "Portu", "İnter", "Real Madrid" kimi klublarda çalışan Mourinyonun sonuncu klubu "Çelsi" olub.
