Futbol üzrə Almaniya yığmasının 2016-cı il Avropa çempionatı üçün yekun heyəti açıqlanıb. Sportnet.az-ın Almaniya Futbol İttifaqının rəsmi saytına istinadən məlumatına görə, baş məşqçi Yoahim Löv Dortmund "Borussiya"sının yarımmüdafiəçisi Marko Röysü 23 nəfərlik heyətə daxil etməyib.
"Hoffenhaym"ın müdafiəçisi Sebastyan Rudi, "Bayer"in yarımmüdafiəçiləri Yulian Brandt və Kərim Bellarabi də sonuncu dünya çempionunun heyətində yer almayıb.
C qrupunda Ukrayna, Polşa və Şimali İrlandiya ilə Almaniya yığmasına Türkiyənin "Beşiktaş" və "Qalatasaray" klublarında çıxış edən futbolçular yer alıb:
Qapıçılar: Manuel Nöyer ("Bavariya"), Bernd Leno ("Bayer"), Mark-Andre ter Ştegen ("Barselona", İspaniya)
Müdafiəçilər: Jerom Boatenq ("Bavariya"), Emre Can ("Liverpul", İngiltərə), Yonas Hektor ("Köln"), Benedikt Hövedes ("Şalke 04"), Mats Hummels ("Bavariya"), Şkodran Mustafi ("Valensiya", İspaniya), Antonio Rüdiger ("Roma", İtaliya)
Yarımmüdafiəçilər: Yulian Draksler ("Volfsburq"), Sami Xedira ("Yuventus", İtaliya), Coşua Kimmix ("Bavariya"), Toni Kroos ("Real Madrid", İspaniya), Tomas Müller ("Bavariya"), Mesut Özil ("Arsenal", İngiltərə), Lukas Podolski ("Qalatasaray", Türkiyə), Andre Şürrle ("Volfsburq", Almaniya), Bastian Şvaynştayger ("Mançester Yunayted", İngiltərə), Yulian Vayql ("Borussiya" Dortmund, Almaniya)
Hücumçular: Mario Qomes ("Beşiktaş", Türkiyə), Mario Götse ("Bavariya"), Leroy Sane ("Şalke 04").
Qeyd edək ki, Marko Röys "Borussiya"nın heyətində Avropa Liqasının qrup mərhələsində "Qəbələ" ilə Dortmundda keçirilmiş oyunda ilk qolun müəllifi olub. Həmin qarşılaşma meydan sahiblərinin 4:0 hesablı qələbəsi ilə yekunlaşacaq.
