"Qarabağ" Avstriyadakı 17 günlük təlim-məşq toplanışı başa vuraraq Vətənə qayıdıb. Sportnet.az-ın məlumatına görə, Ağdam təmsilçisi bu gündən Çempionlar Liqasının II təsnifat mərhələsində qarşılaşacağı Lüksemburq "Düdelanj"ı ilə matçın hazırlıqlarına start verəcək.
Toplanış zamanı Avstriya "Vakker"inə və Albaniya "Skenderbeu"suna uduzan Qurban Qurbanovun komandası Rusiya "Zenit"ini yenməyi bacarıb. Hər üç oyunda 1 qol vurulub. "Düdelanj"la ilk görüş iyulun 12-də Bakıda, cavab matçı bundan bir həftə sonra Lüksemburqda olacaq.
