Bakıda Çempionlar Liqasının hazırlıqlarına start verən "Qarabağ" yoxlama oyunu keçirəcək. Sportnet.az-ın məlumatına görə, Ağdam komandası Premyer Liqanın gümüş mükafatçısı "Zirə" ilə qarşılaşacaq.
Oyun iyulun 5-də saat 21:00-da Tofiq Bəhramov adına Respublika stadionunda baş tutacaq.
Qeyd edək ki, "Qarabağ" Çempionlar Liqasının II təsnifat mərhələsində Lüksemburq təmsilçisi "Düdelanj"la qarşılaşacaq. İyulun 12-də Respublika stadionunda keçiriləcək görüş saat 21:00-da başlanacaq.
