"Beşiktaş” klubu braziliyalı futbolçu Adriano Korreyanın transferi ilə bağlı "Barselona” ilə müzakirələrə başlandığını ictimaiyyətə bildirib. Sportnet.az-ın məlumatına görə, bu haqda klubun rəsmi internet saytında məlumat yayımlanıb.
İsmail Köybaşının "Fənərbaxça”ya transferindən sonra sol cinah müdafiəçisi axtaran "ağ-qaralar" ilk öncə "Mançester Siti”nin serbiyalı futbolçusu Aleksandr Kolarovu transfer etmək istəyib. Lakin bu transferin gerçəkləşməməsindən sonra "Barselona”lı braziliyalı ulduza transfer təklif edilib. Klubun Transfer Komitəsinin rəhbəri Umut Güner və menecer Ahmet Bulut, baş məşqçi Şenol Güneşin rəhbərliyə verdiyi təklifdən sonra oyunçu ilə İspaniyada bir araya gəlib.
31 yaşlı sol cinah müdafiəçisi bu gün İstanbula gəlib. Adriano ilə rəsmi müqavilə imzalanması yaxın günlərdə gerçəkləşdirəcək.
