Ərzurumda təlim-məşq toplanışını davam etdirən "Araz-Naxçıvan" ilk yoxlama oyununda "Samsunspor"a məğlub olub. Sportnet.az-ın məlumatına görə, qarşılaşma 1:2 hesabı ilə başa çatıb.
İlk hissədə əsas heyətlə meydana çıxan "qırmızı-ağlar" 27-ci dəqiqədə hesabı açıb. David Canıyev komandasının yeganə qolunu vurub. Daha sonra Türkiyə təmsilçisi 2 qol vuraraq qələbə qazanıb.
Qeyd edək ki, Naxçıvan təmsilçisi növbəti oyununu bu gün keçirəcək. Rəqib isə "Tarsus İdman Yurdu" klubu olacaq. Oyun Bakı vaxtı ilə saat 20:00-da başlayacaq.
