Türkiyənin Bolu şəhərində təlim-məşq toplanışını davam edən AZAL dünən iki məşqə çıxıb. Sportnet.az-ın məlumatına görə, səhər hazırlığı əsasən fiziki, axşam məşqi isə taktiki-texniki yöndə olub.
Bununla da "təyyarəçilər" qardaş ölkədəki son məşqini keçirib.
Bu gün "Kolxeti 1913” ilə yoxlama oyununda qüvvəsini sınayacaq Şüvəlan təmsilçisi iyulun 28-də vətənə yola düşəcək. Bazar ertəsi səhər saatlarında Bolunu tərk edəcək AZAL axşam Bakıda olacaq.
