Bu gün Azərbaycan Premyer Liqasında II tura start verilib. Sportnet.az-ın məlumatına görə, turun yeganə oyunu Sumqayıtda baş tutub.
Şəhərin eyniadlı təmsilçisi "Qarabağ"ı qəbul edib. İlk turda səfərdə "Zirə"ni minimal hesabla məğlub edən "Sumqayıt" ikinci qələbəsini qazanmağa çalışsa da, buna nail ola bilməyib. "Qarabağ" isə birinci turda "İnter"lə oyundakı məğlubiyyəti unutdura bilib.
Belə ki, Qurban Qurbanovun komandası fasilədən sonra vurduğu 2 qolla qalib gəlib və bu, cari çempionatda ilk qələbəsi olub. "Sumqayıt" isə ilk məğlubiyyətini evdə alıb.
Azərbaycan Premyer Liqası, II tur
19:00. "Sumqayıt" - "Qarabağ" - 0:2
Qollar: Muarem Muarem, 52, Dani Kintana, 84
Sumqayıt. "Kapital Bank Arena"
Qeyd edək ki, turun digər oyunları 12-14 avqustda keçiriləcək.
