"Əvvəlcə onu deyim ki, Gəncədə azarkeşlərimiz önündə oynamaq üçün çox darıxmışıq. Sonuncu dəfə evdə may ayında onların qarşısında çıxış etmişik. Çalışaçağıq ki, fanatlarımızı yenə qələbələrlə sevindirək". Sportnet.az-ın məlumatına görə, bunu "Kəpəz"in futbolçusu Şəhriyar Rəhimov klub saytına açıqlamasında deyib.
Azərbaycan Premyer Liqasının II turunda evdə AZAL-la keçiriləcək görüş haqda futbolçu bunları bildirib: "AZAL-la matçda ilk qələbəmizi qazanmaq istəyirik. Çünki yeni mövsümdə doğma meydanda birinci oyunumuzdur. Azarkeşlərə söz veririk ki, əlimizdən gələni edib qarşımıza qoyulan məqsədə çatmağa çalışacağıq. Bu yolda onlar da bizə dəstək verməlidirlər. Azarkeşlər bizim "12 oyunçu”muz hesab olunurlar. İnanıram ki, ötən mövsüm necə yanımızda idilərsə, indi yenə bizə o cür dayaq olacaqlar".
Qeyd edək ki, avqustun 13-də Gəncə şəhər stadionunda keçiriləcək "Kəpəz" - AZAL oyunu saat 17:00-da başlayacaq.
