Peşəkar Futbol Liqası (PFL) Avropa Liqasının pley-off mərhələsində ölkəmizi təmsil edən "Qəbələ” klubunun Premyer Liqanın qarşıdakı turda oyununu təxirə salıb. Sportnet.az-ın məlumatına görə, "qırımızı-qaralar" təqvimə əsasən avqustun 21-də keçirilməli olan "Sumqayıt"la həmin ev matçının başqa vaxtda baş tutması ilə bağlı PFL-ə müraciət edib.
Klub bunun pley-off mərhələsinin "Maribor”la cavab oyununa daha yaxşı hazırlaşmaq məqsədi ilə istəyib. "Qəbələ”nin Avropa Liqasında uğurlu çıxışı və ölkəmizi qrup mərhələsində təmsil etmək perspektivini nəzərə alan PFL "Sumqayıt” klubunun razılığına əsasən qərar qəbul edib. Buna əsasən "Qəbələ” – "Sumqayıt” matçı başqa tarixdə keçiriləcək.
