Premyer Liqanın 3-cü turu çərçivəsində baş tutmalı olan "Qəbələ" - "Sumqayıt" oyunu "qırmızı-qaralar"ın avrokuboklarda çıxışşı səbəbindən təxirə salındığından "Gənclik şəhəri" təmsilçisi yoxlama oyunu keçirib. Sportnet.az-ın məlumatına görə, Samir Abasovun rəhbərlik etdiyi komanda 1-ci divizion təmsilçisi "Şahdağ"la üz-üzə gəlib.
"Sumqayıt" oyundan 1:0 hesablı qələbə ilə ayrılıb. Qarşılaşmada yeganə qolu Mirabdulla Abbasov vurub.
Qeyd edək ki, "Sumqayıt" axşam daha bir yoxlama oyununa çıxacaq. Komanda saat 19:00-da 1-ci divizion təmsilçisi "Səbail"lə üz-üzə gələcək.
