Bu gün "Neftçi” yoxlama oyunu keçirib. Sportnet.az-ın məlumatına görə, "Rəvan”la İsmət Qayıbov adına təlim-məşq bazasında baş tutmuş görüş 2:2 hesabı ilə nəticələnib. "Neftçi”nin heyətində Katalin Tira və Cavid İmamverdiyev fərqləniblər.
Birinci divizion təmsilçisi ilə matçda "ağ-qaralar"ın əsas heyətinin 10 futbolçusu iştirak etməyib. Buna səbəb komandanın 6 üzvünün millilərin düşərgəsinə yollanması, 4 üzvünün isə zədəli olmasıdır.
Əvəzində əvəzedici heyətin 17 yaşlı futbolçusu Elçin Əsədov, Anton Krivatsyuk və Maksim Vaylo start heyətində meydana çıxıb. Baş məşqçi Vəli Qasımov fasilədən sonra isə digər gənc oyunçular – Kamran İbrahimov, Sənan Əbilov, Ömər Buludov, Orxan Sabirbəyli, Kənan Mirzəliyev, Samir Əhmədov və Aqşin Qurbanlıya da şans verib.
