İspaniyanın "Real Madrid" klubunun futbolçusu Kriştianu Ronaldu baş məşqçi Zinəddin Zidandan şikayət edib. Sportnet.az-ın məlumatına görə, portuqaliyalı futbolçu şikayətini klub prezidenti Florentina Peresə bildirib.
Klub prezidentinin mesajı da futbolçunu sakitləşdirməyib. O, işlərin belə davam etməyəcəyini, düzgün yolda olmadıqlarını söyləyib.
Qeyd edək ki, baş məşqçi Zidan Ronaldunu La Liqanın VI turunda "Las Palmas"la (2:2) səfər oyununun 72-ci dəqiqəsində əvəzləyib. Oyun sonrası mətbuat konfransında Zidan portuqaliyalının daha vacib olan Çempionlar Liqasına saxladığını bildirib.
