İspaniyanın "Xetafe" klubunun baş məşqçisi Eduardo Esnayder istefaya göndərilib. Sportnet.az-ın klubun rəsmi saytına istinadən məlumatına görə, buna II Liqada çıxış edən komandanın mövsümə uğursuz başlaması səbəb olub.
Komanda hazırda 7 oyundan 6 xalla turnir cədvəlində sondan əvvəlki yeri tutur.
Qeyd edək ki, Eduardo Esnayder "Xetafe"yə apreldə baş məşqçi təyin olunub. O, komandanın yüksək liqadan enişinin qarşısını ala bilməyib.
