Azərbaycan Premyer Liqasının VI turunda qonaqlar üçün uğurlu alınıb. Sportnet.az-ın məlumatına görə, rəqib meydanında çıxış edən komandaların 4-dən 3 qələbəni bayram edib. Yəni bu dəfə tur meydan sahibləri üçün uğursuz alınıb.
Hərçənd, bundan əvvəlki turda qonaqlar belə aqibətlə üzləşərək 3 matçda uduzmuş, yalnız 1-də heç-heçə etmişdilər. Bu isə tam əksi oldu.
Ev sahiblərindən yalnız "Kəpəz” xal qazana bilib. Əslində, Gəncə klubu oyunda hesabı açan tərəf olsa da, üstünlüyünü saxlaya bilmədiyindən qələbəni qaçırıb.
"Qarabağ”dan fərqli səfərdə çıxış edən "İnter”, "Qəbələ” və "Sumqayıt” isə qalib gəliblər. Sonuncular bunu əzmkar qələbə ilə nail olaraq 3 ildən sonra "Neftçi”ni onun meydanına yenə biliblər.
"Neftçi” yenə "Əlincə Arena”da "Qəbələ”lilərdən zərbə alıb. Məsələ ondadır ki, matçda fərqlənməklə yayda gəldikləri "Sumqayıt”da qol hesablarını açan gənc yarımmüdafiəçilər Yusif Nəbiyevlə Seymur Əsədov "Qəbələ” Fubol Akamemiyasının yetirmələridirlər. Məlum olduğu kimi, "Neftşi” milli çempionatlarımız tarixində ən ağır məğlubiyətini bundan əvvəlki ev oyununda, məhz bu stadionda "Qəbələ”dən alıb – 0:8. "Sumqayıt”ı baş məşqçisi Samir Abasov cəzlaı olduğundan, bu oyuna komandanı köməkçisi Seymur Rəhimov çıxarıb. O isə futbolçu karyerasının ən yaxşı illərini məhz "Neftçi”də keçirib.
Artıq "Əlincə Arena” qələbə baxımından "Neftçi”dən üz döndərib. Belə ki, komanda cari çempionatda bu stadionda keçirdiyi 4 oyunun (3-ü ev, 1-i səfər) hamısında uduzub. Halbuki, ötən çempionatda son 2 ev matçında rəqiblərini burada qəbul edərək, AZAL-ı 3:1, "İnter”i 4:2 hesabı ilə yenmişdi. Həmin qələbələr "Neftçi”nin Avropa Liqasına vəsiqə qazanmasında həlledici olmuşdu. Komanda yenidənqurma işlərinə görə çempionatda xeyi müddət kənarda qaldığı "Bakcell Arena”da sabiq baş məşqçisi Vəi Qasımovun vaxtında tilsimlə üzləşmişdi. Belə ki, bü mütəxəssis həmin stadionda Premyer Liqada qələbə üzünə həsrət qalaraq getdi.
"Qarabağ” növbəti dəfə səfərdə büdrəməklə "Qəbələ” ilə "İnter”dən geri düşdü. Artıq Qurban Qurbanovun komandası liderlikdən sonra 2-ci pilləni də əldən verib. Qarşıda isə "Qəbələ” səfər matçı olduğundan, xal fərqi 6-dək arta bilər. Ancaq digər tərəfdən, Ağdam klubu qalib gələrsə, xalları bərabərləşdirəcək və şəxsi oyuna görə "Qəbələ”dən üstün olacaq.
