Rusiya milli komandasının və Moskvanın "Lokomotiv” klubunun futbolçusu Aleksandr Səmədov Ramil Şeydayevin Azərbaycan yığmasını seçməsinə münasibət bildirib.
Sportnet.az-ın məlumatına görə, əslən Azərbaycandan olan Səmədov uzun illər Rusiyada yaşayan, hətta yığmalarında oynayan soydaşının hazırkı qərarına qarşı çıxmayıb: "Şeydayevin səs-küylü olayı haqda eşitdim. Düzdür, Ramillə heç vaxt yollarım kəsişməyib. Heç bilmirəm ki, o, necə oynayır. İnsan Azərbaycanın şərəfini qorumağa qərar verib və bu, onun hüququdur".
Xatırladaq ki, Şeydayev cari seçmə mərhələdən millimizdə çıxış edir.
