Bu gün 21 yaşadək futbolçulardan ibarət yığma komandaların Avropa çempionatının pley-off mərhələsinin püşkatma mərasimi keçirilib. Sportnet.az-ın məlumatına görə, Azərbaycan yığmasının çıxışını başa vurduğu yarışın həlledici raunduna son iki vəsiqə uğrunda mübarizə aparacaq cütlər bəlli olub.
Bunlar Avstriya - İspaniya və Serbiya - Norveş qarşılaşmalarıdır. Final mərhələsinə çıxmaq iddiasında olanların pley-off matçları noyabrın 11-də və 15-də keçiriləcək. İlk oyunlarda birinci adları göstərilən yığmalar meydan sahibi olacaq. Pley-off mərhələsinin iştirakçılarından Avstriya Azərbaycanla yer aldığı qrupda 2-ci olub.
Qeyd edək ki, final mərhələsi gələn il iyunun 16-30-da Polşada baş tutacaq.
