"Qəbələ"nin Avropa Liqasında rəqibi olan Almaniyanın "Maynts" klubu Almaniya Bundesliqasında növbəti oyununu keçirib. Sportnet.az-ın məlumatına görə, komanda "Darmştadt"la ev oyununda 2:1 hesabı ilə qalib gəlib. "Maynts" hər hissədə 1 qol vurub. Matçın 9-cu dəqiqəsində argentinalı yarımmüdafiəçisi Pablo De Blazis hesabı açıb. Bundan 47 dəqiqə sonra isə türkiyəli orta sahə oyunçusu Yunus Mallı penaltidən fərqlənib. Qonaqlar 45-ci dəqiqədə penaltidən yararlana bilməsələr də, 90+2-ci dəqiqədə bu zərbə ilə təsəlli qolunu vura biliblər.
Bu qələbədən sonra çempionatda turnir cədvəlində 7-ci pilləyə yüksələn rəqibimizin 7 oyundan 11 xalı var.
