"Ənənəvi olaraq qrupda kiçik komandalarla oynayaraq seçmə mərhələyə başladıq. Amma bundan da yaxşı başlanğıc edə bilərdik. İllər öncə də Azərbaycanın güclü olduğunu bilirdik". Sportnet.az-ın məlumatına görə, bu fikirləri Şimali İrlandiya yığmasının qapıçısı Maykl Makqovern Azərbaycan yığmasına qalib gəldikləri matçı dəyərləndirərkən bildirib.
2018-ci il dünya çempionatının seçmə mərhələsində millimizə evdə 4:0 hesabı ilə qalib gəlmələrinə baxmayaraq rəqibə yuxarıdan aşağı baxmadıqlarını söyləyib: "Azərbaycan yığmasının qrupdakı çıxışını və topladıqları xalları bilirdik. Buna görə də onlara hörmət edirik. Amma biz peşəkar şəkildə işimizi gördük və 3 xal əldə etdiyimiz üçün xoşbəxtik”.
