Türkiyənin "Qalatasaray" klubunun futbolçusu Uesli Sneyder noyabrın 20-də "Fənərbağça" ilə keçiriləcək derbi haqda fikirlərini bildirib. Sportnet.az-ın məlumatına görə, hollandiyalı yarımmüdafiəçi iddialı açıqlamalar verib.
O, səfər görüşündə yalnız qələbə üçün meydana çıxacaqlarını deyib: "17 ildir o meydanda "Fənərbağça"nı məğlub edə bilmirik. Ancaq hər şeyin bir ilki var. Yaxşı nəticə qazanacağımıza inanıram. Mənim əsas istəyim qol vurmaq yox, qol ötürməsi etmək və komandamın qələbə qazanmasıdır. Bazar günü heç-heçəni qəbul etmirəm. Biz qələbə üçün gedirik. Bir çox derbilərdə oynamışam, amma "Qalatasaray" və "Fənərbağça" komandalarının oyunu kimisini görməmişəm. Özümü bu oyuna yüz faiz hazır hiss etdirəm".
Qeyd edək ki, noyabrın 20-də keçiriləcək "Fənərbağça" - "Qalatasaray" matçı Bakı vaxtı ilə saat 21:00-da başlayacaq.
