"Qarabağ"ın futbolçusu Bədavi Hüseynov Azərbaycan Premyer Liqasının XII turunda "Kəpəz"lə hazırda keçirilən matçdan öncə zədələnib.
Sportnet.az-ın oyunda olan əməkdaşının məlumatına görə, millimizin də üzvü olan mərkəz müdafiəçisi əzələsini dartıb.
Ancaq Hüseynovun zədəsi yüngüldür və baş məşqçi Qurban Qurbanov ona istirahət verməyi daha məqsədəuyğun sayıb. Bu da noyabrın 24-də Avropa Liqasının qrup mərhələsində Çexiyanın "Slovan" klubu ilə səfərdə keçiriləcək vacib matçla əlaqədardr. Ağdam təmsilçisi həmin qarşılaşmada uduzmasa, pley-offa vəsiqəni rəsmiləşdirəcək.
Qeyd edək ki, "Qarabağ"ın digər mərkəz müdafiəçisi, kapitan Rəşad Sadıqov zədə üzündən bu il bir daha meydana çıxa bilməyəcək.
