"Mançester Siti" klubu Lionel Messinin transferi ilə bağlı "Barselona"ya cəlbedici təklif etməyə hazırlaşır. Sportnet.az-ın məlumatına görə, Mançester təmsilçisi 29 yaşlı argentinalı hücumçuya görə 200 milyon funt sterlinq (230 milyon avro) ödəmək fikrindədir.
Bu haqda məlumat yayan Britaniyanın məşhur "Mirror" nəşri Messinin həftəlik məvacibinin 500 min funt sterliq olacağını da yazıb.
Lionelin 2018-ci ilədək müqaviləsinin olduğu "Barselona"dan gedişinin qarşılığında transfer məbləği 250 milyon avro təşkil edir. "Qızıl top" mükafatanı 5 dəfə qazanan Messinin transferi reallaşarsa, o, "Mançester Yunayted"in fransalı yarımmüdafiəçisi Pol Poqbanı keçərək dünya futbolu tarixində ən bahalı transfer olacaq. "Mançester Siti"in cari mövsümdən baş məşqçisi uzun illər Messi ilə "Barselona"da birgə işləmiş Xosep Qvardioladır.
Xatırladaq ki, Lionel İspaniya çempionatının cari mövsümündə keçirdiyi 9 matçda 8 qol vurub, 3 məhsuldar ötürmə edib. Onun hesabında Çempionlar Liqasında 7 qol və 2 məhsuldar ötürmə var. "Barselona" ilə "Mançester Siti" bu turnirdə eyni qrupda mübarizə apararaq öz meydanlarında bir-birlərini məğlub edib. Messi Qvardiolanın komandasına evdə 4:0 hesabı ilə qalib gəldikləri matçda het-trik edib.
