Çexiyanın "Slovan" klubu Avropa Liqasının "Qarabağ"la qarşıdakı ev oyununa biletləri satışa çıxarıb.
Sportnet.az-ın məlumatına görə, Liberets təmsilçisi azarkeşlərinə son turda - dekabrın 8-də Yunanıstanda PAOK-la keçirəcəkləri matça biletləri də indidən əldə etmək imkanı yaratdığını rəsmən açıqlayıb.
"Slovan" ümid edir ki, Azərbaycan klubuna qalib gəlməklə şansını son tura saxlayacaq və Salonikidəki həmin vacib qarşılaşmada öz məqsədinə çatacaq. Bu zaman rəqib meydanındakı mühüm oyunda azarkeş dəstəyi böyük rol oynayacaq.
Azarkeşlər PAOK-la eyni təyyarədə səfərə çıxmaq imkanına da malikdir ki, bunun üçün yerlər ayrılıb. Uçuş matçdan 2 gün öncə - çərşənbə axşamı, dönüş qarşılaşmadan dərhal sonra gecə ilə olacaq. Bu səfərin qiyməti 12000 çex kronudur.
Qeyd edək ki, "Slovan" noyabrın 24-də "Qarabağ"a gələ bilməsə, Yunanıstandakı oyunun qrupdan çıxmaq baxımından heç bir önəmi qalmayacaq.
