Bu gün futbol üzrə Azərbaycan Premyer Liqasında daha bir oyun keçirilib. Sportnet.az-ın məlumatına görə, turun ikinci oyununda AZAL "Sumqayıt"ı qəbul edib.
İlk hissə qarşılıqlı hücumlar şəraitində keçib. Hər iki komanda fərqlənmək üçün bir neçə imkan əldə edi. Lakin sevinən tərəf meydan sahibləri olub. AZAL-ın heyətində Nuqzar Kvirtiya 38-ci dəqiqədə hesabı açıb. İlk hissə bu hesabla da başa çatıb.
İkinci hissədə komandaların fərqlənmək istəkləri boşa çıxıb. Oyunun sonlarında Adan Koronadonun rəqib futbolçuya qarşı cərimə meydançası daxilində kobud oynayıb. Baş hakim Ramil Diniyev bunu penalti kimi qiymətləndirib. Koronado isə həm kobudluğa, həm də etiraza görə, sarı vərəqə ilə cəzalandırılıb. Nəticədə futbolçu qırmızı alaraq meydandan qovulub. Qarşılaşma 1:1 hesabi ilə başa çatıb.
Bu oyundan sonra AZAL xal ehtiyatını 6-ya çatdırıb. Lakin bu qələbə də "təyyarəçilər"in sonuncu pillədən xilas olmasına kömək etməyib. "Sumqayıt" isə xal ehtiyatını 14-ə çatdıraraq "Zirə" ilə 5-6-cı pillələri bölüşür.
Turun ilk oyununda isə "Neftçi" səfərdə "Kəpəz"lə qarşılaşıb. Bu görüşdə qonaq komandanın baş məşqçisi Elxan Abdullayev X turda "Qəbələ"yə 1:4 hesablı məğlubiyyətlə bitən matçdan sonra əvəzedici heyətə göndərdiyi Jayro Rodrigesi bağışlayıb və ona start heyətində yer verib. Amma bu addım da "ağ-qaralar"ı uğursuzluq zolağından çıxara bilməyib. Orxan Əliyev 27-ci, Julien Ebah isə 49-cu dəqiqədə fərqlənərək, "Kəpəz"in 2:0 hesablı qələbəsini təmin edib.
Bununla da Şahin Diniyevin baş məşqçisi olduğu komanda xallarını 15-ə çatdıraraq, 4-cü pilləyə yüksəlib. "Neftçi" isə 10-cu məğlubiyyəti ilə üzləşib və 9 xalla 7-ci pillədə qalıb.
Azərbaycan Premyer Liqası, XIII tur
27 noyabr
14:00. "Kəpəz" - "Neftçi" - 2:0
Qol: Orxan Əliyev, 27. Julien Ebah, 49
Hakimlər: Ömər Paşayev, Yaşar Abbasov, Vüqar Bayramov, Knyaz Əmiraslanov
Əlavə köməkçi hakimlər: Əliyar Ağayev, Rəhim Həsənov
AFFA nümayəndəsi: Elbrus Abbasov
Hakim-inspektor: Xaqani Məmmədov
Gəncə şəhər stadionu
16:00. AZAL - "Sumqayıt" - 1:1
Qol: Amil Yunanov, 86 (P) - Nuqzar Kvritiya, 38
Qırmızı vərəqə: Adan Koronado, 85
Hakimlər: Ramil Diniyev, Azər Əsgərov, Rahil Ramazanov, Nahid Əliyev
Əlavə köməkçi hakimlər: Fariz Yusifov, İnqilab Məmmədov
AFFA nümayəndəsi: Vaqif Davudov
Hakim-inspektor: Vüsal Əliyev
"AZAL Arena"
Qeyd edək ki, tura sabah keçiriləcək iki oyunla yekun vurulacaq.
