"Xəzər Lənkəran"ın sabiq legioneri İqor Kovaleviç Azərbaycandan yeni təklif alıb. Sportnet.az-ın məlumatına görə, belaruslu mütəxəssis bu dəfə ölkəmizə məşqçi kimi qayıda bilər.
Kovaleviçə Azərbaycandan, konkret Bakı klublarının birindən və Qazaxıstandan maraq göstərildiyi bildirilir. Komandanın adı çəkilməsə də, bu ölkələrin elitasında və birinci divizionunda baş məşqçi postunda vakansiyaların olduğu vurğulanır.
48 yaşlı mütəxəssis vətənində həm "Neman" klubuna, həm də gənclər yığmasına rəhbərlik edir. Ancaq o, daha cəlbedici təklif müqabilində doğma ölkəsini tərk etməyi düşünür. Kovaleviç Belarusda başa çatan mövsümdə Qrodno təmsilçisini aşağı liqaya düşməkdən xilas edib.
Qeyd edək ki, keçmiş müdafiəçi "Xəzər Lənkəran"ın debüt etdiyi 2014/2015 mövsümünün ilk dövrəsində 15 oyun keçirib və qış fasiləsində komandadan gedib. O, futbolçu karyerasını məhz ölkəmizdə bitirib və artıq 10 ildir məşqçilik edir.
