AFFA yanında Media Komitəsinin növbəti iclası keçirilib. Sportnet.az-ın məlumatına görə, iclasda bir çox məsələlərlə yanaşı 2017-ci il yanvar, fevral və mart ayları üçün nəzərdə tutulan layihə istiqamətlərinə təqdim olunan layihələrin müzakirəsi aparılıb, qaliblər və mentorlar müəyyənləşib.
Sportnet.az bu dəfə də qaliblər sırasında olub. Portalımız ardıcıl 3-cü dəfə "Azərbaycan çempionatı, kuboku, yığması və klubların avrokuboklarda iştirakı ilə bağlı bütün statistik boşluqların aradan qaldırılması" istiqamətində fərqlənib.
Xatırladaq ki, Sportnet.az AFFA yanında Media Komitəsinin 1 ilə yaxın fəaliyyəti dövründə elan etdiyi hər 4 layihədə qaliblər arasında yer alıb.
