Futbol üzrə Azərbaycan milli komandası Qətər yığması ilə yoldaşlıq oyunu keçirdiyi Dohadan Bakıya qayıdıb.
Sportnet.az-ın məlumatına görə, heyət üzvlərini gətirən təyyarə saat 10:45-də Heydər Əliyev adına Beynəlxaq Hava Limanına eniş edib.
Robert Prosineçkinin rəhbərlik etdiyi kollektiv ölkəyə "Qatar Airways"a məxsus sərnişin təyyarəsi ilə qayıdıb. Oyunla bağlı bütün xərclər Qətər Futbol Federasiyası tərəfindən qarşılanıb.
Qeyd edək ki, Qətər - Azərbaycan matçı komandamızın 2:1 hesablı qələbəsi ilə başa çatıb.
