"Millimizi Qətər üzərindəki qələbə münasibətilə təbrik edirəm. Qələbə qazanmaq hər zaman xoşdur. Düzdür, oyuna baxmamışam, çünki göstərmirdilər. Ancaq istənilən halda qələbə qazanmaq gözəldir”.
Bu sözləri Sportnet.az-a açıqlamasında "Qarabağ”ın hücumçusu Vüqar Nadirov deyib. Azərbaycan millisinin sabiq hücumçusu baş məşqçi Robert Prosineçkini tərifləyib: "Prosineçki gənclərə şans vermişdi və məncə, bu, gələcəkdə daha yaxşı nəticələr verəcək. O, çox yaxşı mütəxəssisdir, nəyi necə etməyin lazım olduğunu yaxşı bilir. Kimi milliyə dəvət edib, kimi etməyib özü daha yaxşı bilir, onun işinə qarışa bilmərəm. Düzdür, Almaniya ilə Qətər milliləri arasında fərq böyükdür. Amma bir şey var ki, biz hər zaman güclü komandalara qarşı yaxşı oynayırıq”.
Qeyd edək ki, martın 26-da Tofiq Bəhramov adına Respublika stadionunda keçiriləcək Azərbaycan - Almaniya matçı saat 20:00-da başlanacaq.
