İspaniya "Real Madrid"inin və Portuqaliya yığmasının futbolçusu Kriştianu Ronaldunun ailəsində tezliklə artım olacaq.
Sportnet.az-ın məlumatına görə, bu barədə The Sun-a hücumçunun ailəsindəki mənbədən bildirilib.
Mənbə deyib ki, ABŞ-dan olan surroqat ana tezliklə Ronaldu üçün əkiz övladlar dünyaya gətirəcək: "Kriştianu ailəsindəki artımın çox intizarındadır. O, şəxsi həyatını gizli saxlasa da, ən yaxın dostları və qohumlarına deyib ki, əkizlər tezliklə doğulacaqlar".
Qeyd edək ki, Kriştianu Ronaldunun 6 yaşlı oğlunu da surroqat ana dünyaya gətirib.
