"Kəpəz" komandası Azərbaycan Premyer Liqasının XXII turunda Gəncədə "Zirə" ilə oyuna itkilərlə çıxacaq.
Sportnet.az-ın klubun rəsmi saytına istinadən məlumatına görə, Tural Qürbətov Bakıdakı məşq zamanı zədələnib. Bu səbəbdən, hücumçu Gəncəyə aparılmayıb. Digər itki isə cəzalı Nicat Qurbanovdur. Qurbanov iki tur öncə "Qəbələ"nin futbolçusu Nika Kvekveskirini vurduğu üçün 4 oyunluq cəzalanıb.
"Kəpəz" "Zirə" ilə oyuna hazırlığın əsas hissəsini paytaxtda keçib. "Sarı-göylər” bu gün Nizami yurdunda qarşılaşmanın baş tutacağı arenada son məşqinə çıxıb. Hazırlıq prosesi mətbuat və azarkeşlər üçün açıq olub. Martın 13-də keçiriləcək "Kəpəz" - "Zirə" matçı saat 15:00-da başlanacaq.
