Futbol üzrə Meksika çempionatının növbəti turu hakimlərin tətili üzündən qeyri-müəyyən müddətədək təxirə salınıb.
Sportnet.az-ın Meksika Futbol Federasiyasının rəsmi saytına istinadən verdiyi məlumata görə, ədalət təmsilçiləri öz işlərini yerinə yetirməkdən imtina ediblər.
Yerli mətbuat yazır ki, referilər onlara hücum edən "Amerika"nın oyunçusu Pablo Agilar və "Toluka"nın futbolçusu Enrike Triverionun müvafiq olaraq, 10 və 7 oyunluq cəzalanmalarından narazı qalıb. Ədalət təmsilçiləri bu cəzanı yüngül sayıblar.
Oyunların yeni tarixləri hələ müəyyənləşməyib.
