Azərbaycan Premyer Liqasında XXII tura "Neftçi" - "Qəbələ" matçı ilə yekun vurulub. Sportnet.az-ın məlumatına görə, "Bakcell Arena"da keçirilmiş turun mərkəzi görüşünün də taleyini bir qol həll edib.
39-cu dəqiqədə Namiq Ələsgərov dəqiq zərbə ilə "Neftçi"yə qələbə qazandırıb - 1:0. Beləliklə, turun bütün qarşılaşmaları meydan sahiblərinin minimal hesablı qalibiyyəti ilə yekunlaşıb. Bunadək "Kəpəz" "Zirə"ni, "İnter" "Sumqayıt"ı, "Qarabağ" isə AZAL-ı bir qolla üstələyib.
Bu məğlubiyyətdən sonra "Qəbələ" liderliyi əldən verib. Əvəzində "Qarabağ" 48 xala 1-ci pilləyə yüksəlib və ən yaxın izləyicisini 2 xal geridə qoyub. "Neftçi" isə xallarını 23-ə yüksəldərək, yenidən 6-cı pilləyə qayıdıb.
Azərbaycan Premyer Liqası
XXII tur
14 mart (çərşənbə axşamı)
17:00 "Qarabağ” – AZAL - 1:0
Qol: Dino Ndlovu, 68
Hakimlər: Rəhim Həsənov, Yaşar Abbasov, Rahil Ramazanov, Ramil Diniyev
AFFA nümayəndəsi: Sakin Məmmədzadə
Hakim-inspektor: Xaqani Məmmədov
"Azersun Arena”
İlk 3 dövrə - 6:0, 1:0 və 2:1
20:00 "Neftçi” – "Qəbələ” - 1:0
Qol: Namiq Ələsgərov, 39
Hakimlər: Elvin Əsgərov, Vaqif Musayev, Mehman Mahmudov, Ömər Paşayev
AFFA nümayəndəsi: Mübariz Hüseynov
Hakim-inspektor: Şaiq Həmidov
"Bakcell Arena”
İlk 3 dövrə - 0:8, 1:4, 0:1
