Bu gün AFFA-nın inzibati binasında Azərbaycan milli komandasının baş məşqçisi Robert Prosineçki ilə Məşqçilər Komitəsinin üzvlərinin görüşü keçirilib.
Sportnet.az-ın qurumun rəsmi saytına istinadən verdiyi məlumata görə, görüşdə Azərbaycan milli komandalarının hazırkı durumu, mövcud problemlər və onların həlli yolları barədə fikir mübadiləsi aparılıb.
Qeyd edək ki, Robert Prosineçki martın 15-də mətbuat nümayəndələri üçün brifinq keçirəcək. Tədbir Bulvar otelindəki Hesabat Konfransı başa çatdıqdan sonra olacaq.
