"Neftçi"nin qapıçısı Boban Baykoviçin Sportnet.az-a müsahibəsi:
- "Qəbələ” ilə görüşdə qalib gəlməyi bacardınız. Görüş haqda hansı fikirdəsən?
- "Qəbələ”yə qarşı bizi asan oyun gözləmirdi. Bunu biz yaxşı dərk edirdik. Müdafiədə maksimum səhvsiz, hücumda isə maksimum dərəcədə dəqiq oynamlıydıq. Nə qədər çətin olsa da, biz qalib gəlməyi bacardıq. Mən də buna görə xoşbəxtəm.
- Nəyə görə bütün matçlarda belə istəkli və güclü oynamağı bacarmırsınız?
- Fikrimcə, "Neftçi” bütün oyunlarda istəkli və güclü təsir bağışlayır. Biz elə bunun sayəsində xallar qazanmışıq. Biz avrokuboklara vəsiqə qazanmaq istəyirik. Qarşıdakı mövsümdən isə çempionluq üçün də oynaya bilərik.
- "Qəbələ"yə bu mövsümki 0:8 hesablı məğubiyyətin revanşını ala bildiyinizi demək olar?
- Hazırkı komandamız yeni və daha güclüdür. "Neftçi” qışdan sonra daha da güclənib, heyətdə çox güclü futbolçular yer alıb. Biz işləməyə davam edirik. Daha da yaxşı nəticələr qazana biləcəyimizə inanıram.
- "Neftçi” hazırda altıncı pillədədir. Bu göstərici sizi razı salır, yoxsa daha da yuxarı pillələrə qalxmaq istəyirsiniz?
- Bizim bu an üçün ağlımızda olan "İnter”lə görüşdür. Həmin oyundan sonra da növbəti oyuna baxacağıq. Sonda da hansı pillədə olduğumuzu görəcəyik. Təbii ki, biz də turnir cədvəlində ən yaxşı yerdə olmaq istəyirik və bunun üçün çalışırıq.
- Növbəti turda "İnter”i qonaq edəcəksiniz. "Qəbələ” ilə görüşdəki uğurlu nəticənin davamını gətirmək mümkündür?
- "İnter”in güclü komanda olduğunu söyləyə bilərəm. Onlar evdə və səfərdə də yaxşı çıxış edirlər. Bizi çətin matç gözləyir, bu dəqiqdir. Ancaq "İnter”lə matçda da qələbə üçün oynayacağıq.
- Uzun müddət sonra yenidən əsas heyətə qayıtdın. Yəqin ki, özün də start heyətində yer almaq üçün darıxmışdın...
- Düzünü deyim, yenidən əsas heyətə qaryıtdığıma görə şadam. Bəli, darıxmışdım. Növbəti görüşdə də tam gücümü meydanda qoyacam ki, "Neftçi” uğurlu çıxış etsin.
- "Neftçi”nin digər qapıçısı Maksim Vaylo haqda fikirlərini almaq istəyirdim. "İnter” və "Zirə” matçlarında kobud səhvlərilə yadda qalan Vaylo səncə, "Neftçi”yə kömək ola biləcək gücdə qapıçıdır?
- Maksim Vaylo yaxşı oğlandır və "Neftçi”nin də gələcəyidir. O, məşqlərini yerinə yetirməlidir ki, "Neftçi”nin gələcəyi olsun. Vaylo bunun öhdəsindən gələ bilər. Çünki "Neftçi”nin çox güclü qapıçı məşqçisi var.
